पुण्यामध्ये कायमस्वरूपी एक पूर्णवेळ वृत्तनिवेदकाचे पद मंजूर असून, ते कार्यरत आहे. त्याचबरोबर सध्या वृत्तविभागात २८ हंगामी वृत्तनिवेदकांचे पॅनेल मंजूर आहे. सध्या त्यापैकी २२ हंगामी वृत्तनिवेदक कार्यरत आहेत. त्यांना दररोज दीड शिफ्ट या प्रमाणे काम दिले जाते. मात्र, आता दुसऱ्या पूर्णवेळ वृत्तनिवेदकाची नेमणूक झाल्याने हंगामी वृत्तनिवेदकांना दररोज दीड ऐवजी अर्धीच शिफ्ट काम मिळणार आहे.
‘हंगामी वृत्तनिवेदकांची संख्या कमी केली तर खर्च वाचतो, असा दावा सरकारी यंत्रणेकडून केला जात आहे. मात्र, मुंबईत पूर्णवेळ वृत्तनिवेदकाची दोन पदे मंजूर आहेत. तिथे सध्या एकच पूर्णवेळ वृत्तनिवेदक कार्यरत आहे. त्यामुळे तिथेही मोठ्या संख्येने हंगामी वृत्तनिवेदकांची नेमणूक करावी लागत आहे. त्यामुळे त्यांच्या मानधनासाठी अतिरिक्त खर्च करावाच लागत आहे. त्याचबरोबर पुण्यात दुसऱ्या पूर्णवेळ वृत्तनिवेदकाची नेमणूक केल्यामुळे त्यांच्या वेतनासाठी मोठी रक्कम खर्ची पडते. त्यामुळे पुण्यातील हंगामी वृत्तनिवेदकांची संख्या कमी करून खर्चात कपात होण्याचा दावा चुकीचा ठरतो,’ अशी माहिती विश्वसनीय सूत्रांनी दिली.
‘पुण्यातील प्रादेशिक वार्तापत्र बंद झाले अथवा नाही झाले नाही, तरी हंगामी वृत्तनिवेदकांचे काम मात्र येत्या काही दिवसात बंद करावे लागणार आहे. दोन पूर्णवेळ वृत्तनिवेदक असल्याने इतर हंगामी वृत्तनिवेदकांना काम देता येणे शक्य होणार नाही. सध्याच्या व्यवस्थेनुसार दररोज एकूण दीड शिफ्टमध्ये हंगामी वृत्तनिवेदकांना काम दिले जाते. दोन पूर्णवेळ वृत्तनिवेदक असल्याने ही शिफ्ट दीडवरून अर्ध्या शिफ्टवर येणार आहे. त्यामुळे दरमहा जास्तीत जास्त चार किंवा सहा हंगामी वृत्तनिवेदकांनाच काम मिळू शकणार आहे,' असेही सूत्रांनी सांगितले.
मोबाइल अॅप डाउनलोड करा आणि राहा अपडेट
