१०१ स्टेशनवर अनधिकृत प्रवेशद्वार,
१७ स्टेशनवर एक किंवा दोन बॅग स्कॅनर उपलब्ध
१०५ स्टेशनवर बॅग स्कॅनर नाही
रेल्वेमध्ये आगीच्या घडलेल्या घटना वर्ष घटना २०११-१२ ४ २०१२-१३ ८ २०१३-१४ ८
मोबाइल अॅप डाउनलोड करा आणि राहा अपडेट
म. टा. प्रतिनिधी, पुणे रेल्वे गाड्यांमध्ये आग प्रतिबंधक यंत्रणा कार्यान्वित करण्याबाबत रेल्वे प्रशासनाकडून दुर्लक्ष करण्यात आल्याचा ठपका 'कॅग'च्या अहवालात ठेवण्यात आला आहे. ज्वलनशील वस्तू्ंचा रेल्वेच्या कोचमध्ये वापर न करण्याची सूचना केल्यानंतरही अनेक कोचमध्ये त्यांचा वापर केल्याचे निदर्शनास आले आहे. तसेच, आगप्रतिबंधक यंत्रणेचा अभावही काही ठिकाणी दिसून आला. कॅगच्या समितीने २०११ ते २०१४ या कालावधीत रेल्वेच्या सर्व विभागांतील १४ वर्कशॉप, ३८ डेपो, १३८ गाड्या, १०८९ कोच आणि ५१ पँट्री आदी ठिकाणी पाहणी केली. या पाहणीत आग प्रतिबंधक व रोधक यंत्रणेची पाहणी करण्यात आली. कॉर्पोरेट सेफ्टी प्लॅन्स २००३ आणि ज्येष्ठ शास्त्रज्ञ डॉ. अनिल काकोडकर यांच्या अध्यक्षतेखाली नेमलेल्या उच्चस्तरीय सुरक्षा आढावा समितीच्या मार्गदर्शक सूचनांनुसार ही पाहणी करण्यात आली. त्यानुसार त्यांनी अहवाल केंद्र सरकारला सादर करण्यात आला आहे. रेल्वेतील आगीच्या अपघाताची संख्या २००१-०२ साली संख्या पाच होती. त्या तुलनेत २०११-१२ मध्ये चार घटना आणि २०१२-१३ आणि २०१३-१४ या वर्षात प्रत्येकी आठ घटना घडल्या. त्यानुसार रेल्वेतील आगीच्या घटनांचे प्रमाणे दुपटीने वाढल्याचे निदर्शनास येते. रेल्वेमध्ये आग झपाट्याने पसरते, त्यामुळे अधिक धोका संभवतो. त्यामुळे पीव्हीसी पाइप, प्लायवूड, पेंट आदी ज्वलनशील पदार्थ कोचच्या बांधणीत वापरू नये, अशी सूचना करण्यात आली होती. मात्र, कॅगच्या पाहणीत अद्यापही ज्वलनशील पदार्थ वापरले जात असल्याचे दिसून आले. आपत्कालीन परिस्थिती खिडकी, एसी कोचेसमध्ये काच फोडण्यासाठीचे साधन, एका एक्स्प्रेस गाडीत सिगरेट विक्री करताना आढळले.
