हेमलकसाच्या लोकबिरादरी प्रकल्पाच्या मदतीसाठी सांस्कृतिक पुणे डॉट कॉम व लोकबिरादरी मित्रमंडळ यांच्यातर्फे व्हायोलिन गाते तेव्हा हा विशेष कार्यक्रम आयोजित करण्यात आला आहे. शनिवारी (२६ डिसेंबर) सायंकाळी पाच वाजता एस. एम. जोशी सभागृहात हा कार्यक्रम होणार असून, ज्येष्ठ व्यंगचित्रकार मंगेश तेंडुलकर यांच्या हस्ते ज्येष्ठ समीक्षक डॉ. मा. कृ. पारधी यांचा ९६व्या वाढदिवसानिमित्त सत्कार करण्यात आहे. आयोजक सुभाष इनामदार यांनी ही माहिती दिली. कार्यक्रमाला ज्येष्ठ नाट्य समीक्षक डॉ. वि. भा. देशपांडे, डॉ. वीणा देव, अनिकेत आमटे आदी या वेळी उपस्थित राहणार आहेत. 'व्हायोलिन गाते तेव्हा' या या कार्यक्रमात चारुशीला गोसावी व्हायोलिनवर लोकप्रिय हिंदी-मराठी गाणी सादर करणार आहेत. गो. नी. दांडेकर यांनी लिहिलेल्या 'आनंदवनभुवनी' या कादंबरीचे पुनर्प्रकाशन मृण्मयी प्रकाशनतर्फे केले जाणार आहे. तसेच, कविता कशी जन्म घेते याविषयी कवयित्री शांता शेळके यांच्याशी सुभाष इनामदार यांनी साधलेल्या संवादाची 'असेन मी नसेन मी' ही सीडी ज्येष्ठ लेखिका डॉ. अरूणा ढेरे यांच्या हस्ते प्रकाशित केली जाणार आहे. पारधी यांनी दीर्घकाळ साहित्य समीक्षा केली. अनेक वृत्तपत्रांतून लेखन केले. त्यांचे 'मी परत येईन' हा कथासंग्रह, 'मारवा' हा कवितासंग्रह प्रकाशित आहे.
मोबाइल अॅप डाउनलोड करा आणि राहा अपडेट
