वानवडी येथील नववीच्या विद्यार्थ्याचे अपहरण करून त्याचा मोबाइल लुटण्याचा प्रकार घडला. घटना घडतानाच नागरिकांच्या मदतीने दोघा आरोपींना पकडण्यात वानवडी पोलिसांना यश आले आहे. अश्रफ अस्लम सय्यद (वय २०, रा. भवानीपेठ) आणि साजीद मासीर सय्यद (वय २२, रा. लष्कर) या दोघांना वानवडी पोलिसांनी अटक केली असून, मोबाइलही जप्त केला आहे. प्रकरणी विद्यार्थ्याची आई नेहा महेश शेलाटे (वय ३२, रा. सेंट पॅट्रिक टाउनशिप, हडपसर ) यांनी तक्रार दाखल केली आहे.
नेहा यांचा मुलगा साहिल सदर्न कमांड येथील केंद्रीय विद्यालयात शिकतो. तो शुक्रवारी सायंकाळी सात वाजण्याच्या सुमारास वानवडीतील क्लास सुटल्यानंतर घरी जाण्यासाठी बसची वाट पाहात थांबला होता. यावेळी दुचाकीवर आलेले आरोपी त्याच्याजवळ आले. 'आमच्या मोबाइलमधील बॅलन्स संपला आहे. आम्हाला तुझ्या फोनवरून एक फोन करू दे', अशी विनंती त्यांनी साहिलला केली. दरम्यान, त्यांनी त्याला जबरदस्तीने दुचाकीवर बसण्यास सांगितले. साहिलला संशय आल्याने त्याने आरडाओरडा केला.
दुचाकी चोरणारा अल्पवयीन ताब्यात
पुणे : चैन करण्यासाठी दुचाकी चोरणाऱ्या अल्पवयीन मुलाला गुन्हे शाखेने ताब्यात घेतले असून, त्याच्याकडून चार दुचाकी जप्त करण्यात आल्या आहेत. चोरलेल्या दुचाकी तो बनावट नंबरच्या आधारे वापरत होता. गुन्हे शाखेच्या होमीसाइड पथकाने ही कारवाई केली. अल्पवयीन मुलाकडे केलेल्या चौकशीत त्याने दुचाकी चोरल्याची माहिती पोलिसांना दिली. त्यानुसार दोन होंडा अॅक्टिव्हा, सुझुकी अॅक्सेस आणि स्कुटी पेप जप्त करण्यात आली. या कारवाईमुळे चतु:श्रृंगी, खडक आणि मुंढवा पोलिस ठाण्याच्या हद्दीतील गुन्हे उघडकीस आले आहेत.
मोबाइल अॅप डाउनलोड करा आणि राहा अपडेट