गुरुपौर्णिमा शुक्रवारी येत असल्याने त्या निमित्ताने बाजारात गुलाबाच्या फुलांना मागणी वाढली आहे. येत्या दोन दिवसांत आणखी मागणी वाढण्याची शक्यता वर्तविण्यात आली आहे. गुरुला वंदन करण्याच्या निमित्ताने गुरुपौर्णिमा साजरी करण्यात येते. उद्या, शुक्रवारी हा दिवस साजरा होत आहे. त्यापूर्वीच गुरुच्या चरणी गुलाबाचे फूल ठेवावे अथवा त्यांना भेट द्यावे, यासाठी गुलाबांना मागणी वाढल्याचे दिसत आहे.
गुलटेकडी येथील फुलांच्या बाजारात फुलांची आवक वाढली आहे. झेंडू वगळता इतर फुलांची आवक वाढली असून, मागणीही चांगली आहे. गुरुपौर्णिमेसाठी लागणाऱ्या डच गुलाबाला विशेष मागणी आहे; परंतु गेल्या वर्षीच्या तुलनेत दर कमी आहे. गेल्या वर्षी डच गुलाबाच्या २० फुलांना १२० ते १५० रुपये मिळाला होता. तर या वर्षी फक्त ५० ते १०० रुपये दर मिळाला आहे. गेल्या वर्षीच्या तुलनेत यंदा गुलाबांना मागणी कमी आहे, अशी माहिती फुलांचे व्यापारी सागर भोसले यांनी दिली.
डच गुलाबांना मागणी
डच गुलाबाची तळेगाव दाभाडे, जयसिंगपूर, कोल्हापूर येथून मोठ्या प्रमाणावर आवक झाली आहे. येत्या दोन दिवसांत ही मागणी आणखी वाढणार आहे. सध्या पुण्याच्या स्थानिक भागातूनच डच गुलाबांना मागणी आहे. मागणी वाढल्यास दरही थोडेसे वाढतील, असे सागर भोसले यांनी स्पष्ट केले.
मोबाइल अॅप डाउनलोड करा आणि राहा अपडेट