मार्केट यार्डातील डमी आडत्यांवर आडते असोसिएशनने कारवाईचा बडगा उगारल्यानंतर आता प्रादेशिक बाजार समितीने देखील कारवाईचा निर्णय घेतला आहे. त्याशिवाय लिंबू विक्रेत्यावर कारवाई करण्यात येणार असल्याचे स्पष्ट करण्यात आले आहे. मार्केट यार्डात होणारी वाहतूक कोंडी दूर करण्यासाठी आडते असोसिएशनने डमी आडत्यांचा व्यापार बंद करण्याचा निर्णय घेतला. त्यावेळी त्यांच्यावर कारवाईचे धोरण निश्चित केले होते. त्या पार्श्वभूमीवर नुकतीच आडते असोसिएशनचे पदाधिकारी, बाजार समितीचे प्रशासन आणि संचालक मंडळासमवेत बैठक घेण्यात आली. त्या बैठकीत काही निर्णय घेण्यात आले.
मार्केट यार्डातील वाहतूक कोंडी दूर करण्यासाठी डमी आडत्यांवर कारवाई करण्याचा निर्णय आडते असोसिएशनने घेतला. त्याप्रमाणे आता बाजार समिती देखील संबंधित आडत्यांवर कारवाई करणार आहे. त्याशिवाय लिंबू विक्रेत्यांवर देखील कारवाई केली जाईल. त्याशिवाय बाहेरील किरकोळ खरेदीदारांना व्यापाराची शिस्त लावावी यासाठी एक वाजेपर्यंत किरकोळ खरेदी विक्री सुरू ठेवण्याचा निर्णय घेण्यात आला आहे. वेळेचे नियम लागू केल्यास फळांना चांगले दर मिळतील. त्याशिवाय मालास उठाव येईल, असे आडते असोसिएशनचे अध्यक्ष शिवलाल भोसले यांनी सांगितले. गेट क्रमांक एक ते गणपती मंदिर दरम्यान कोणतेही ट्रक, तीन चाकी टेंपो उभे राहणार नाही याची खबरदारी म्हणून विशेष विभाग निर्माण करण्याचे मान्य करण्यात आले आहे, असेही त्यांनी सांगितले.
मोबाइल अॅप डाउनलोड करा आणि राहा अपडेट
