गजेंद्र चौहान आणि इतर चार सदस्यांची नियुक्तीविरोधात विद्यार्थ्यांचा संप सुरू आहे. मात्र, सरकार काहीच प्रतिसाद देत नसल्याने विद्यार्थ्यांनी उपोषणाचा पर्याय स्वीकारला. हिलाल सवाद, अलोक अरोरा आणि हिमांशु शेखर या विद्यार्थ्यांनी गुरुवारी पहाटेपासून उपोषण सुरू केले. त्यापैकी हिलाल सवाद या विद्यार्थ्याच्या रक्तातील साखरेचे प्रमाण शुक्रवारी सायंकाळी कमी झाले. अस्वस्थ वाटू लागल्याने त्याला हॉस्टिटलमध्ये दाखल करण्यात आले. कुलसचिव यू. सी. बोडके यांनी या विद्यार्थ्याला हॉस्पिटलमध्ये दाखल केले. हिलालची जागा अंकित थापा या विद्यार्थ्याने घेतली आहे.
उपोषण सुरू झाल्याचे कळल्यावर अलोक अरोराची आई सुनीता शुक्रवारी सकाळी दिल्लीतून पुण्यात आली. 'विद्यार्थ्यांवर उपोषणाला बसण्याची वेळ येणे दुर्दैवी आहे,' असे त्यांनी सांगितले.
ज्येष्ठ अभिनेता ओम पुरी यांनी शुक्रवारी रात्री विद्यार्थ्यांची भेट घेतली. त्यांनी विद्यार्थ्यांच्या संपाबाबत जाणून घेतले. 'संस्थेत जास्त वेळ काढण्यापेक्षा लवकरच शिक्षण पूर्ण करून प्रत्यक्ष काम करण्यासाठी बाहेर पडा,' असा सल्लाही ओम पुरी यांनी विद्यार्थ्यांना दिला.
मोबाइल अॅप डाउनलोड करा आणि राहा अपडेट