विविध संस्था, संघटनांच्या वतीने अभिवादन
म. टा. प्रतिनिधी, पुणे
लोकशाहीर अण्णा भाऊ साठे यांच्या ९७व्या जयंतीनिमित्त शहरातील विविध सामाजिक संस्था, संघटना आणि राजकीय पक्षांनी विविध कार्यक्रमांचे आयोजन करून मंगळवारी साठे यांना अभिवादन केले. निराधार विद्यार्थ्यांना शालेय वस्तू, महिलांना साड्यांचे वाटप, देशी वृक्षांच्या रोपांची भेट, दुचाकी रॅली, आरोग्य तपासणी शिबिरांचे आयोजन करण्यात आले होते.
महापौर मुक्ता टिळक आणि उपमहापौर सिद्धार्थ धेंडे यांनी अण्णा भाऊ साठे यांच्या कुमठेकर रोड येथील शाळेतील छायाचित्रास, तसेच सारसबागेसमोरील, बिबवेवाडी आणि येरवडा येथील पुतळ्यास पुष्पहार अर्पण करून अभिवादन केले. पुणे शहर जिल्हा काँग्रेस कमिटीच्या वतीने शहराध्यक्ष रमेश बागवे यांच्या हस्ते अण्णा भाऊंच्या प्रतिमेस पुष्पहार अर्पण करण्यात आला. या वेळी माजी आमदार, मोहन जोशी, गोपाळ तिवारी उपस्थित होते.
पुणे शहर राष्ट्रवादी काँग्रेसच्या वतीने अण्णा भाऊंना अभिवादन करण्यात आले. हिराबाग येथील पक्ष कार्यालयात मंगळवारी पक्षाचे कोथरूड मतदारसंघ अध्यक्ष मिलिंद वालवडकर यांच्या हस्ते अण्णा भाऊंच्या प्रतिमेस पुष्पहार अर्पण करण्यात आला. या वेळी शशिकांत तापकीर, पंडित कांबळे, राकेश कामठे यांची भाषणे झाली. प्रभाग क्रमांक १९च्या वतीने आयोजित कार्यक्रमात संजय गायकवाड यांच्या हस्ते महापालिकेतील कर्मचारी रोहिदास खंधारे यांचा सत्कार करण्यात आला. या वेळी वैभव जाधव, अक्षय गायकवाड, धोंडिबा साठे, वाघ आदी पदाधिकारी उपस्थित होते. या कार्यक्रमाचे नियोजन संजय गायकवाड यांनी केले.
राष्ट्रवादी काँग्रेस पक्षाच्या सामाजिक न्याय विभागाच्या वतीने अण्णा भाऊ साठे यांच्या सारसबागेजवळील पुतळ्यास पुष्पहार अर्पण करण्यात आला. मोहन सोनवणे, रमा पवार, साधा सोनवणे, अमोल पवार, अक्षय कांबळे उपस्थित होते.
फुले-साठे-आंबेडकर विचार फाउंडेशन मागासवर्गीय संघटनेच्या वतीने शहराच्या विविध भागात कार्यक्रम आयोजित करण्यात आले होते. बोपोडी, शिवाजीनगर, औंध आणि सातववाडी शाखेच्या वतीने स्वाइन फ्ल्यू, डेंग्यू आणि हृदयविकार तपासणी शिबिर आयोजित करण्यात आले होते. ताडीवाला रोड, भेकराईनगर, बिबवेवाडी, गणेशनगर शाखेच्या वतीने अपंग आणि निराधार महिलांना साड्या वाटप, तसेच अंध विद्यार्थ्यांना चष्मे आणि छडी वाटप करण्यात आले. वारजे, आंबेगाव, कात्रज, धायरी शाखेने कर्णबधीर विद्यार्थ्यांना श्रवण यंत्रे देण्यात आली. सातारा रोड, पाषाण रोड, हिंगणे खुर्द या शाखांच्या वतीने नेत्रचिकित्सा शिबिर घेण्यात आले. फाउंडेशनचे अध्यक्ष मोहन सोनावणे, अनिल गाढवे, पंकज शहा, श्रीपाद पाध्ये, रमेश कुंदूर, जयवंत कुलकर्णी आदी या कार्यक्रमाला उपस्थित होते.
भीमा छावा संघटनेच्या वतीने पाच हजार झाडे लावण्याचा संकल्प करून येरवडा येथील आक्सा मशिदीजवळ वृक्षारोपणास सुरुवात करण्यात आली. संघटनेचे अध्यक्ष श्याम गायकवाड, रघुनाथ कुचिक, राहुल डंबाळे, डॅनियल लांडगे, शैलेंद्र भोसले उपस्थित होते. आलोक भिंगारदिवे, मनीष लाडे यांनी संयोजन केले.
झोपडपट्टी सुरक्षा दलाच्या वतीने भगवान वैराट यांनी अण्णा भाऊंच्या पुतळ्यास पुष्पहार अर्पण करून अभिवादन केले. काशिनाथ गायकवाड, प्रदीप पवार, संतोष बोताळजे, युवराज महामुनी आदी उपस्थित होते. दलित पँथर संघटनेचे पुणे जिल्हाध्यक्ष विशाल खिलारे यांनी अण्णा भाऊंच्या पुतळ्यास पुष्पहार अर्पण केला. पुणे शहराध्यक्ष प्रकाश साळवे, ऋणा पाटोळे, लहू गायकवाड, तसेच पदाधिकारी उपस्थित होते. जय महाराष्ट्र मंडळाच्या वतीने नगरसेविका सुलोचना कोंढरे यांच्या हस्ते अण्णा भाऊंना अभिवादन करण्यात आले. चेतन जाधव, किरण थोरवे, विनायक फाळके आदींनी कार्यक्रमाचे संयोजन केले.
महाराष्ट्र जोशी समाज संघटनेच्या वतीने कैलास हेंद्रे यांच्या हस्ते अण्णा भाऊंच्या पुतळ्यास पुष्पहार अर्पण करण्यात आला. सुरेखा हेंद्रे, बाळासाहेब भोसले, नामदेव सोनावणे उपस्थित होते. राष्ट्रवादी काँग्रेस पक्ष सामाजिक न्याय विभागाच्या वतीने उपाध्यक्ष आनंद सवाणे यांनी साठे यांना अभिवादन केले. भारिप बहुजन महासंघाच्या वतीने महासचिव वसंत साळवे यांच्या हस्ते अण्णा भाऊ साठे यांच्या पुतळ्यास पुष्पहार अर्पण करण्यात आला. नागेश भोसले, किरण कदम, दीपक ओहोळ, बाळासाहेब बनसोडे आदी उपस्थित होते. रिपब्लिकन मातंग सेना, रिपब्लिकन जनशक्ती, साई सेवा अन्नछात्र संस्था, रिपब्लिकन संघर्ष दल, विलास चौरे समाजसेवा प्रतिष्ठान, भीमशक्ती अशा विविध संस्थांच्या वतीनेही कार्यक्रमांचे आयोजन करण्यात आले होते.
मोबाइल अॅप डाउनलोड करा आणि राहा अपडेट
