‘रद्द करा, रद्द करा... रामटेकडी कचरा डेपो रद्द करा,’ ‘या सरकारचं करायच काय.. खाली डोके वर पाय,’ अशा घोषणा देऊन शिवसैनिकांनी पंतप्रधान, मुख्यमंत्री देवेंद्र फडणवीस आणि पुण्याच्या महापौर मुक्ता टिळक यांचे छायाचित्र असणाऱ्या फलकावर कचरा टाकून, कचऱ्याचा अभिषेक करून नियोजित रामटेकडी कचरा डेपोच्या विरोधात ‘रास्ता रोको’ आंदोलन केले.
रामटेकडी चौकात शिवसेनेचे माजी आमदार महादेव बाबर यांच्या नेतृत्त्वाखाली रास्ता रोको आंदोलन करण्यात आले. या वेळी जिल्हा उपाध्यक्ष अमोल हरपळे, नगरसेविका संगिता ठोसर, तानाजी लोणकर, राजेंद्र बाबर, विक्रम लोणकर, दिलीप कवडे, राम खोमणे, भरत चौधरी, गंगाधर बधे, सतीश कसबे, जानमहंमद शेख यांच्या शिवसैनिक सहभागी झाले होते.
‘रामटेकडीला दोन कचरा डेपो आहेत, त्यातच तिसरा कचरा डेपोची निर्मिती करून करून हडपसरला कचरानगरीचे स्वरूप द्यायचे आहे. भूमिपूजनादिवशी मुख्यमंत्र्यांची गाडी जाऊ देणार नाही. प्रसंगी रस्त्यात आडवे होऊ, जीव गेला तरी चालेल नागरिकांच्या आरोग्यासाठी कचरा डेपो होऊ देणार नाही,’ असा इशारा माजी आमदार महादेव बाबर यांनी दिला.
मोबाइल अॅप डाउनलोड करा आणि राहा अपडेट
