चकली, चिवडा, शेव यांसारख्या चमचमीत पदार्थांपासून ते रंगीबेरंगी आकर्षक झुरमुळ्यांचे आकाशकंदिल, दिव्यांच्या माळा, रेखीव पणत्या, मेणबत्या एवढेच नव्हे; तर दिवाळीनिमित्त भेट देण्यासाठी खास तयार केलेल्या भेटवस्तू, कलाकुसरीच्या पिशव्या अशा वैविध्यपूर्ण वस्तूंचा खजिना पुणेकरांसमोर आणण्यासाठी महापालिकेच्या क्षेत्रीय कार्यालयांनी शहराच्या विविध भागात प्रदर्शने भरविली आहेत.
पुणेकरांच्या सेलिब्रेशनला सामाजिक किनार
↧
↧
भरधाव वाहनाच्या धडकेत एकाचा मृत्यू
भरधाव वेगातील वाहनाची धडक बसल्यामुळे प्रकाश ग्यानबा कोळेकर (वय ४२ रा.म्हाळुंगे) यांचा मृत्यू झाला. याप्रकरणी संदीप यादवराव टाले (वय ३० रा. सिद्ध लक्ष्मी कॉम्प्लेक्स, आकुर्डी) यांच्या विरोधात तक्रार दाखल करण्यात आली आहे.
↧
संचालकांची दिवाळी; खातेदारांचा शिमगा
खडकीतील अग्रसेन महाराज पतसंस्थेच्या संचालकांनी अॅडिटच्या कारणास्तव पतसंस्था पंधरा दिवस बंद ठेवण्याचा निर्णय घेतल्यामुळे ऐन दिवाळीच्या तोंडावर खातेदार, ठेवीदार आणि डेली कलेक्शन करणा-यांनी संचालकांविरोधात घोषणा देत निषेध केला. ‘आजच्या आज पैसे द्या,’ अशी मागणी करत ठेवीदारांनी संचालकांच्या दुकानावर मोर्चा काढून त्यांची दुकाने बंद पाडली.
↧
भयापोटीच अजित पवारांचा राजीनामा
महाराष्ट्रात झालेल्या जलसंपदा विभागाच्या अनागोंदी कारभाराप्रकरणी चौकशी झाल्यास आपल्याला जेलची हवा खायला लागेल, या भयापोटीच अजित पवारांनी राजीनामा दिला असल्याचा आरोप भाजपाचे सरचिटणीस आमदार देवेंद्र फडणवीस यांनी केला आहे. मावळ तालुका व देहूरोड भाजपाच्या वतीने देहूरोड येथे आयोजित करण्यात आलेल्या कार्यकर्ता मेळाव्यात ते बोलत होते.
↧
डेंगीच्या पेशंटसंख्येत झपाट्याने वाढ
शहरात डेंगीच्या पेशंटसंख्येत झपाट्याने वाढ होत असून, राज्य सरकारमार्फत कीटकशास्त्रज्ञ व्ही. टी. पंडोरे यांनी या भागाचा पाहणी दौरा करून अहवाल तयार केला आहे. शहरात ठिकठिकाणी डेंगीस कारणीभूत अळ्या आढळून आल्याने विशेष दक्षता घेण्यात येत आहे.
↧
↧
खरेदीची धूम उत्सवाची चाहूल
कपडे, दागिने, इलेक्ट्रॉनिक वस्तू, गिफ्ट्स या सगळ्या खरेदीसाठी ग्राहकांचा मूड आता पीकपॉइंटला आला आहे. दिवाळी सुरू होण्यापूर्वीच्या शेवटच्या रविवारी (चार नोव्हेंबर) बाजारपेठेत अक्षरशः झुंबड उडाली होती. हा उत्साह आणि चैतन्यच दीपोत्सवाची चाहूल करून देत आहे.
↧
स्वाती नंदा ‘मिस पिंपरी- चिंचवड’
व्ही स्क्वेअर व्हेंचर्सने आयोजित केलेल्या ‘मिस पिंपरी- चिंचवड’ स्पर्धेत स्वाती नंदा हिने प्लॅटिन ‘मिस पिंपरी- चिंचवड’चा पुरस्कार मिळवित क्राऊनचा मानही पटकाविला.
↧
ग्रामपंचायत निवडणुकीसाठी मोर्चेबांधणीला सुरुवात
ग्रामपंचायत निवडणुकीत राखीव प्रवर्गातून निवडणूक लढविण्यासाठी इच्छुक असलेल्या उमेदवारांनी आतापासूनच जात पडताळणी प्रमाणपत्रासाठी अर्ज दाखल करण्यास सुरुवात केली आहे. येत्या ७ नोव्हेंबरपर्यंत अर्ज स्वीकारले जाणार आहेत.
↧
तोल ढासळल्याने काँग्रेसचे राष्ट्रवादीवर आरोप
‘भ्रष्टाचाराच्या आरोपाखाली काँग्रेसचे अनेक नेते जेलमध्ये असल्यामुळे, त्यांचा समतोल ढासळत असल्यामुळे ते आमच्यावर वाट्टेल तसे आरोप करत आहेत. त्यांच्या प्रत्येक प्रश्नांना उत्तर देण्याची गरज नाही,’ असे माणिकराव ठाकरे यांचे नाव न घेता त्यांनी केलेल्या आरोपाची माजी उपमुख्यमंत्री अजित पवार यांनी खिल्ली उडवली. सांगवीच्या समारंभानंतर पत्रकारांशी ते बोलत होते.
↧
↧
गावांतील दूषित पाण्याला पुणेकरच कारणीभूत
‘शहरातील नागरिक प्रमाणापेक्षा अधिक पाणी वापरतात, पाण्यावर प्रक्रिया करणे आवश्यक असतानाही कोणतीही प्रक्रिया न करता हे पाणी नदीत सोडतात. यामुळे ग्रामीण भागातील नागरिकांना दूषित पाणी मिळते. शेतीसाठी राखीव असलेले पाणीही पुणेकरांना दिले जाते. यामुळे शहर आणि ग्रामीण भागासाठी धरणातील पाण्याचे वाटप करताना समतोल असावा,’ अशी मागणी जिल्ह्यातील आमदारांनी प्रादेशिक समतोल समितीकडे रविवारी केली.
↧
बोर्डाच्या परीक्षेतील मार्क सुधारायच्या संधी वाढणार
एचएसएसी बोर्डाची बारावीची परीक्षा यंदा उत्तीर्ण झालेल्या; पण आयआयटी प्रवेशासाठी पुढील वर्षीची (सन २०१३) प्रवेश परीक्षा देऊ इच्छिणा-या विद्यार्थ्यांना एक खुशखबर. बोर्डाच्या श्रेणीसुधार योजनेतील प्रस्तावित बदलामुळे या विद्यार्थ्यांना मार्चमध्ये पुन्हा बारावीची परीक्षा देता येण्याची शक्यता निर्माण झाली आहे.
↧
स्कॅनर मशीन पिंपळे निलखमध्येच तयार केले
सोन्याची शुद्धता तपासण्यासाठी स्कॅनर मशीन आणि काळ्या रंगाच्या पेट्या वापरत हातचलाखीने सराफांना फसविण्यात आले होते. हे स्कॅनर मशीन त्यांनी इंटरनेटवर पाहून घटनास्थळीच तयार केल्याचे तपासात सांगितले आहे.
↧
स्वाइन फ्लूने वृद्धाचा मृत्यू
स्वाइन फ्लूने भवानी पेठेतील एका वृद्धाचा मृत्यू झाल्याची घटना रविवारी दुपारी घडली. फ्लूच्या लक्षणांची लागण झाल्यानंतरही स्वतःहून उपचार घेण्यास पाच दिवस विलंब केल्यामुळे त्यांना मृत्युला सामोरे जावे लागले. आतापर्यंत २९ जणांचा यामुळे बळी गेला आहे. तर नव्याने आठ जणांना लागण झाली असून एक जण अत्यवस्थ आहे.
↧
↧
निवडणूक बिनविरोध करण्याचा प्रयत्न’
‘भारतीय ऑलिंपिक असोसिएशनची (आयओए) निवडणूक बिनविरोध करण्याचा आमचा प्रयत्न आहे. याबाबत लवकरच सर्व पदाधिकारी बैठक होणार आहे. या बैठकीत यावर सविस्तर चर्चा होईल. तरीही निवडणुका झाल्यात, तर त्याचीही तयारी सुरू आहे. मला अनेक संघटनांचा पाठिंबा मिळत आहे. मात्र, या बाबतचे सर्व चित्र १० नोव्हेंबरला स्पष्ट होईल,’ अशी प्रतिक्रिया भारतीय बॉक्सिंग फेडरेशनचे चेअरमन अभयसिंह चौटाला यांनी व्यक्त केली.
↧
विकास आराखड्याचे काय होणार?
महापालिकेतील कारभारी विरूद्ध आमदार, सत्ताधारी आणि विरोधी पक्षांतील वाद आणि पक्षांतर्गत गटबाजी यांच्या पार्श्वभूमीवर शहराच्या जुन्या हद्दीचा विकास आराखडा प्रकाशित करण्यास उद्या (सोमवारी) सर्वसाधारण सभेची मान्यता मिळणार का आणि आराखड्यातील भल्याबु-या तरतुदी पुणेकरांपर्यंत पोहोचणार का, याबाबत उत्सुकता निर्माण झाली आहे.
↧
शिवसेनेचा विरोध नाही
शहराच्या सर्वांगीण विकासासाठी विकास आराखडा आवश्यक आहे, त्यामुळे शिवसेनेचा त्याला विरोध नाही; मात्र त्यामध्ये शहराच्या हिताला तिलांजली देऊ नये, अशी भूमिका शिवसेनेने घेतली आहे.
↧
‘मालमत्तेबाबत तपशील देण्यास टाळाटाळ’
महापालिकेतील अधिका-यांच्या मालमत्तेबाबत तपशील देण्यास प्रशासन लपवालपवी करत असून, त्याबाबत माहिती देण्यास टाळाटाळ करण्याचे कारण काय, असा सवाल महाराष्ट्र नवनिर्माण सेनेने महापालिका आयुक्तांना केला आहे.
↧
↧
पदव्युत्तर अभ्यासक्रमांनाही क्रेडिट सिस्टीम
कॉलेज पातळीवरील पदव्युत्तर अभ्यासक्रमांनाही क्रेडिट सिस्टीम लागू करण्यासाठी पुणे विद्यापीठाने आता पावले उचलली आहेत. एका ठराविक शाखेच्या अभ्यासक्रमात अडकून न राहता विविध विषयांचे शिक्षण घेण्याची संधी त्यामुळे विद्यार्थ्यांसाठी खुली होणार आहे.
↧
दिवाळीत विजेवर ‘संक्रांत’ नाही
दिवाळीच्या काळात, १५ तारखेपर्यंत कोणत्याही कारणासाठी शहरात वीजपुरवठा खंडित करण्यात येणार नाही, असे आश्वासन महावितरणच्या वतीने देण्यात आले आहे. सणाच्या काळात वीजपुरवठा खंडित करण्यात येऊ नये, या मागणीसाठी आमदार मोहन जोशी यांच्या नेतृत्वाखाली शिष्टमंडळाने महावितरणच्या पुणे परिमंडळाचे मुख्य अभियंता सिद्धार्थ नागटिळक यांची भेट घेतली.
↧
मद्यक्रांतीचे सत्तापीठ बारामतीत
'महाराष्ट्र हे मद्यराष्ट्र झाले असून, या मद्यक्रांतीचे राजकीय सत्तापीठ बारामतीमध्ये आहे', अशी थेट टीका करत ज्येष्ठ सामाजिक कार्यकर्ते डॉ. अभय बंग यांनी रविवारी पवार कुटुंबीयांवर निशाणा साधला. 'मद्यमुक्त पुणे' अशा क्रांतीद्वारे युवकांना त्यापासून रोखण्याची सुरुवात पुण्याने करावी, अशी सूचनाही त्यांनी केली.
↧
More Pages to Explore .....
