वारजे, ढोले पाटील रस्ता, संगमवाडी, घोले रस्ता विश्रामबाग वाडा, कोंढवा वानवडी या भागांमध्ये चिकुनगुनियाचे सर्वाधिक पेशंट आढळले आहेत, अशी नोंद पालिकेच्या कीटक प्रतिबंधक विभागाने केली आहे. राज्यात एकट्या चिकुनगुनियाचे ९२ टक्के पेशंट पुणे शहर आणि जिल्ह्यात आढळत आहेत. शहरात जानेवारी ते सप्टेंबर महिन्यात ३९१ पेशंटला लागण झाल्याची नोंद आहे. त्यापैकी सर्वाधिक पेशंट ढोले पाटील रस्ता, संगमवाडी, वारजे येथे आढळले आहेत. औंध, टिळक रस्ता, कोथरूड, बिबवेवाडी, धनकवडी आणि हडपसर या भागात चिकुनगुनियाचे पेशंट कमी आढळून आले आहेत.
जानेवारी महिन्यात सर्वाधिक म्हणजे ६८ जणांना लागण झाली होती. त्यानंतर फेब्रुवारी ते मेपर्यंत पेशंटच्या संख्येत घट झाली. जून महिन्यात पावसाच्या आगमनाबरोबरच चिकुनगुणियाची लागण वाढण्यास सुरुवात झाली. जूनमध्ये ३९ तर, जुलैत २७ जणांना लागण झाली. ऑगस्टमध्ये ११९ तर, १७ सप्टेंबरपर्यंत ७२ जणांना लागण झाली आहे.
..
चिकुनगुनियाची शहरातील सद्यस्थिती
विभाग ............. पेशंट संख्या (१७ सप्टेंबरपर्यं)
औंध .................. ६
घोले रस्ता .................... २५
वारजे ......................... ५४
कोथरूड ...................... १०
ढोले पाटील रस्ता ............... ६७
नगर रस्ता.......................... ३१
संगमवाडी ..................... ४५
टिळक रस्ता ................ ५
भवानी पेठ..................... ३९
विश्रामबाग वाडा .................... ३७
बिबवेवाडी ................ ७
सहकारनगर ................. १४
हडपसर ..................... ७
धनकवडी .................. ३
कोंढवा वानवडी ......................... ४१
..............................................
एकूण ........................ ३९१
..
शहरातील चिकुनगुनिया आणि डेंगीच्या पेशंटच्या वाढत्या संख्येमुळे आरोग्य विभागाने जनजागृतीवर भर दिला आहे. पालिकेच्या १२ नाट्यगृहांमध्ये आता कार्यक्रम, नाटक सुरू होण्यापूर्वी जनजागृतीसंदर्भात घोषणा केली जाईल. पत्रकांचेही वाटप केले जाईल. शहरभर सोसायट्या, डॉक्टर यांची बैठक घेऊन जनजागृती करण्यात येत आहे.
डॉ. कल्पना बळिवंत, सहायक आरोग्य प्रमुख
मोबाइल अॅप डाउनलोड करा आणि राहा अपडेट