खडक पोलिसांनी केलेल्या कारवाईत तीन सराईत चोरट्यांना गजाआड करण्यात आले असून, त्यांच्याकडून घरफोडी आणि वाहनचोरीच्या सात गुन्ह्यांतील सव्वा लाख रुपयांचा माल जप्त करण्यात आला आहे.
शांतीनगर सोसायटी नेहरू रोड टिंबर मार्केट केरिंग हॉस्पिटलसमोरील प्लायएज या दुकानात चोरी करण्यात आली होती. या प्रकरणी राजेश जैन यांनी फिर्याद दाखल केली होती. खडक पोलिस तपास करत होते. पोलिस कर्मचारी इम्रान नदाफ यांना चोरट्यांविषयी माहिती मिळाली. त्यानुसार पोलिसांनी गाडीखाना पीएमटी बसस्टॉप शिवाजी रोड येथे सापळा रचून मंगेश संजय पवार (वय १९ रा. मरळनगर, कोंढवाखडी मशिन), सलमान हमीद शेख (वय १८, रा. मिठानगर, कोंढवा खुर्द), बिकास अशोक त्रिपाठी (वय १९ रा. सिखरापूर, उत्तर प्रदेश) या तिघांना अटक करण्यात आली. पवार आणि शेख या दोघा आरोपींकडून घरफोडीचे चार अन्य गुन्हे उघडकीस आणण्यात यश आले आहे.
त्रिपाठीला सिखरापूर, आझमगड येथून अटक करण्यात आली. त्याच्याकडून शुक्रवार पेठेतील गणेश मित्र मंडळ चिंचेची तालीम पुणे येथील गणपती मंदिराच्या दानपेटीतून चोरीला गेलेली रक्कम हस्तगत करण्यात आली. तसेच गंजपेठ येथून वाहनचोरी केल्याप्रकरणी अल्पवयीन मुलाला ताब्यात घेण्यात आले आहे.
पोलिस उपायुक्त पंकज डहाणे, सहायक पोलिस आयुक्त प्रवीण कुलकर्णी यांच्या मार्गदर्शनाखाली पोलिस निरीक्षक संभाजी शिर्के, तपास पथकाचे पोलिस उपनिरीक्षक संजय गायकवाड, अनंत व्यवहारे, पोलिस कर्मचारी सुरेश सोनवणे, एकनाथ कंधारे, विजय कांबळे, महेंद्र पवार, सर्फराज शेख, इम्रान नदाफ, प्रदीप शिंदे, अनिकेत बाबर, दीपक धाबेकर, अशोक माने यांनी केला.
मोबाइल अॅप डाउनलोड करा आणि राहा अपडेट