सुपर बाइकचे वेड असणाऱ्या पुणेकरांसाठी एक खूशखबर आहे.. सुपर बाइक्सचे वेगवेगळे ब्रँड एकाच छताखाली पाहण्याची आणि त्यांचे वेगळेपण जाणून घेण्याची नामी संधी या वीकेंडला चालून आली आहे. निमित्त आहे..'महाराष्ट्र टाइम्स'तर्फे आयोजित 'ऑटो एक्स्पो'चे. एरवी केवळ चारचाकींपुरताच मर्यादित असणारा हा उपक्रम यंदापासून सुपर बाइक्सही घेऊन आला आहे.
टाइम्स ऑफ इंडिया आणि पुणे मिररच्या सहकार्याने 'मटा'तर्फे आज आणि उद्या (७ आणि ८ मे) साखर संकुलच्या मैदानावर या उपक्रमाचे आयोजन करण्यात आले आहे. नेहमीप्रमाणेच वेगवेगळ्या ब्रँडच्या सुपरबाइक्स एकाच छताखाली पाहण्याची, त्यांची माहिती घेण्याची आणि बहुविध पर्यायांपैकी आपल्याला हवा तो सोयीचा पर्याय निवडण्याची संधी या उपक्रमातून सर्वांना मोफत उपलब्ध होणार आहे. सकाळी १०.३० ते सायंकाळी ७ या वेळेत आयोजित या उपक्रमासाठी सर्वांना प्रवेश खुला आहे. ऑटो एक्स्पोच्या निमित्ताने स्पॉट बुकिंगवर खास बक्षिसेही ठेवण्यात आली आहेत.
उपक्रमाविषयी अधिक माहितीसाठी इच्छुकांनी ८८८८२५४८०५ या क्रमांकावर संपर्क साधावा, असे आवाहन आयोजकांकडून करण्यात आले आहे.
मोबाइल अॅप डाउनलोड करा आणि राहा अपडेट