February 16, 2016, 1:30 pm

≫ Next: ‘गडकिल्ले जतनातून महाराजांना मानवंदना’

≪ Previous: छळास कंटाळून महिलेची आत्महत्या

पुणे : सॅलसबरी पार्क येथील एका कुरिअर कंपनीच्या कार्यालयातून सव्वा तीन लाख रुपयांची रोकड चोरून नेल्याची घटना सोमवारी पहाटे उघडकीस आली. याप्रकरणी स्वारगेट पोलिस ठाण्यात गुन्हा दाखल करण्यात आला आहे. सुहास परदेशी (वय ४२, रा. बालाजीनगर) यांनी दिलेल्या तक्रारीवरून याप्रकरणी अज्ञात व्यक्तीच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, सॅलसबरी पार्क येथे 'क्विक डील लॉजेस्टिक प्रा. लि.' या कुरिअर कंपनीचे कार्यालय आहे. या ठिकाणी परदेशी हे सुपरवायझर म्हणून काम करतात. सोमवारी रात्री कुरिअर कंपनीच्या कार्यालयाचे शटर उघडे राहिले. याचा फायदा घेत चोरट्यांनी कार्यालयातील लोखंडी कपाटात ठेवलेले तीन लाख ३५ हजार रुपये चोरून नेले. सोमवारी सकाळी शटर उघडे दिसल्यानंतर हा प्रकार उघडकीस आला.

मोबाइल अॅप डाउनलोड करा आणि राहा अपडेट

↧

‘गडकिल्ले जतनातून महाराजांना मानवंदना’

February 16, 2016, 1:31 pm

≫ Next: थँक्स टू सेंट्रल गव्हर्न्मेंट..

≪ Previous: कुरिअर कार्यालयातून सव्वातीन लाख लंपास

म. टा. प्रतिनिधी, कात्रज

अमेरिकेतील स्वातंत्र्यदेवतेच्या पुतळ्यापेक्षा छत्रपती शिवाजी महाराजांचे उंच स्मारक बांधण्यापेक्षा, त्यांनी स्वराज्य रक्षणासाठी बांधलेल्या गडकिल्यांचे जतन आणि संवर्धन करणे हीच खऱ्या अर्थाने महाराजांना दिलेली मानवंदना ठरेल, असे मत महाराष्ट्र नवनिर्माण सेनेचे अध्यक्ष राज ठाकरे यांनी मंगळवारी व्यक्त केले.

सिंहगड इन्स्टिट्यूटच्या काशीबाई नवले कॉलेज ऑफ आर्किटेक्चरतर्फे आयोजित 'दृश्य' या प्रदर्शन आणि कार्यशाळेचे उदघाटन ठाकरे यांच्या हस्ते झाले. या वेळी ते बोलत होते. संस्थेचे संचालक प्रा. एम. एन. नवले, उपसंचालक रोहित नवले, महाविद्यालयाचे प्राचार्य मिलिंद तेलंग, सुधीर चव्हाण, वास्तुविशारद शीखा जैन, यतीन पांड्या आदी या वेळी उपस्थित होते. 'आजही ब्रिटिशांनी बांधलेल्या वास्तू पाहूनच आपण समाधान मानतो. आपल्या इतिहासाचे संवर्धन करण्यासाठी तरुणांनी पुढाकार घेतला पाहिजे. युरोप, अमेरिका यांसह बंगाली लोकांकडून मराठी माणसाने संवर्धनाबाबतीत काहीतरी शिकले पाहिजे,' असे ठाकरे म्हणाले. सुधीर देशपांडे आणि सोनल करंजीकर यांनी सूत्रसंचालन केले. कॉलेजतर्फे घेण्यात आलेल्या स्पर्धेचे या वेळी पारितोषिक वितरण करण्यात आले.

मोबाइल अॅप डाउनलोड करा आणि राहा अपडेट

↧

थँक्स टू सेंट्रल गव्हर्न्मेंट..

February 16, 2016, 1:48 pm

≫ Next: शहरसुधारणेची ‘त्रिसूत्री’

≪ Previous: ‘गडकिल्ले जतनातून महाराजांना मानवंदना’

आयुक्त राजीव जाधव यांची भावना

म. टा. प्रतिनिधी, पिंपरी

'केंद्र सरकारच्या स्मार्ट सिटी योजनेतून पिंपरी-चिंचवडला ऐनवेळी वगळण्यात आले तरी, स्वच्छ भारत योजनेअंतर्गत शहराने देशात नववा आणि राज्यात पहिला क्रमांक मिळविला, ही बाब गौरवास्पद आहे. त्यामुळे थँक्स टू सेंट्रल गव्हर्न्मेंट....'या शब्दांत महापालिकेचे आयुक्त राजीव जाधव यांनी आपली भावना मंगळवारी (१६ फेब्रुवारी) व्यक्त केली.

केंद्र सरकारच्या स्मार्ट सिटी योजनेतून ऐनवेळी पिंपरी-चिंचवडला वगळण्यात आले, त्याबद्दल हळहळ व्यक्त करण्यात येत होती. परंतु, केंद्र सरकारच्याच स्वच्छ सर्वेक्षणात शहराने नववा क्रमांक मिळवून गुणवत्ता सिद्ध केली. आता हा लौकिक कायम राखण्याचा आमचा प्रयत्न असून, त्यात प्रत्येक शहरवासियाने सहभागी व्हावे, अशी अपेक्षा जाधव यांनी व्यक्त केली. जाधव म्हणाले, 'आयुक्तपदाचा कार्यभार हातात घेतल्यापासून स्वच्छ शहर योजनेवर लक्ष केंद्रीत केले होते. एप्रिल २०१४ मध्ये शहर स्वच्छतेची मोहीम राबविली. त्यानंतर नानासाहेब धर्माधिकारी ट्रस्ट, स्वयंसेवी संस्था आणि शाळा यांच्या माध्यमातून सातत्याने उपक्रम राबविले. शहरातील असंख्य मोकळ्या जागा स्वच्छ करण्यावर भर दिला. याशिवाय गेल्या दोन वर्षांत सर्वाधिक बैठका आरोग्य विभागाशी संबंधित घेतल्या. त्याचा चांगला फायदा झाला.'

'केंद्र सरकारने दहा लाखांपेक्षा जास्त लोकसंख्या असलेली देशातील ५३ शहरे आणि २२ राजधान्या स्वच्छ भारत सर्वेक्षणासाठी निवडल्या. गेल्या वर्षीच्या तुलनेत यंदा अधिक शास्त्रोक्त पद्धतीने सर्वेक्षण केले. त्यासाठी केवळ दोन महिने आधी आम्हांला कळविण्यात आले. त्यानंतर प्रत्यक्ष सर्वेक्षण करून, नागरिकांच्या मुलाखती घेऊन गुण देण्यात आले. त्यामध्ये देशात पहिल्या दहामध्ये आणि राज्यात पहिला क्रमांक मिळविण्यात आम्ही यशस्वी ठरलो. स्वच्छतेच्या बाबतीत तुलनेने चांगली स्थिती असलेल्या या शहराचा लौकिक असाच कायम ठेवण्यासाठी प्रत्येकाने प्रयत्न करणे गरजेचे आहे,' असे मत आयुक्तांनी व्यक्त केले.

मोबाइल अॅप डाउनलोड करा आणि राहा अपडेट

↧

शहरसुधारणेची ‘त्रिसूत्री’

February 16, 2016, 1:32 pm

≫ Next: पाणीपट्टीवाढीचा प्रस्ताव

≪ Previous: थँक्स टू सेंट्रल गव्हर्न्मेंट..

पाणी, स्वच्छता आणि वाहतुकीसाठी अधिक तरतूद

म. टा. प्रतिनिधी, पिंपरी

पिंपरी-चिंचवडमध्ये बीआरटीएसचे जाळे निर्माण करणे, स्वच्छतेला सर्वाधिक प्राधान्य देणे आणि उड्डाणपुलांच्या कामाला गती देण्यावर यंदाच्या बजेटमध्ये भर देण्यात आल्याचे दिसून आले आहे. शहर स्वच्छता, स्वच्छ पाणीपुरवठा आणि वाहतूक सुधारणा या त्रिसूत्रीने कारभार केल्यास शहराचे भवितव्य उज्ज्वल राहील, असा दावाही करण्यात आला आहे.

शहरात बीआरटीएसचे जाळे ४५ किलोमीटर विकसित करण्यात आले असून, ते १०० किलोमीटरपर्यंत नेण्याचे उद्दिष्ट ठेवण्यात आले आहे. त्या अनुषंगाने स्थापत्य बीआरटीएस विभागासाठी ४८२ कोटी रुपयांची तरतूद ठेवण्यात आली आहे. त्याअंतर्गत केएसबी चौकातील उड्डाणपुलासाठी ४७ कोटी रुपयांची तरतूद असून, हे काम डिसेंबर २०१६ अखेर पूर्ण होऊन पूल वाहतुकीसाठी खुला होईल असे नमूद करण्यात आले आहे. या पुलामुळे चौकातील एकत्रित वाहतूक व्यवस्था सुरळित होऊन नागरिकांना विनाथांबा वाहतुकीचा लाभ मिळणार आहे.

सांगवी फाटा येथील पूल आणि ग्रेड सेपरेटरसाठी २४ कोटी रुपयांची तरतूद करण्यात आली आहे. सद्यस्थितीत पुलाचे ७० टक्के काम पूर्ण झाले असून, सांगवीकडून पुणे, रावेत, हिंजवडी, थेरगाव, वाकड दिशेला जाणाऱ्या वाहनांना सिग्नल फ्री वाहतुकीची व्यवस्था होणार आहे. त्यासाठी रावेत, हिंजवडी, चिंचवडसाठी उड्डाणपूल आणि पुणे औंधकडून सांगवीकडे जाण्यासाठी ग्रेड सेपरेटरची व्यवस्था केली आहे. हे काम पूर्ण झाल्यानंतर चौकातील वाहतूक सिग्नल बंद होणार आहेत.

बोपखेल-आळंदी हा रस्ता ६० मीटर रुंद करण्यात येणार आहे. त्याअंतर्गत चार पॅकेजसाठी ६४ कोटी रुपयांची तरतूद करण्यात आली आहे. पहिल्या आणि दुसऱ्या टप्प्याचे ३० टक्के काम पूर्ण झाले असून, तिसऱ्या आणि चौथ्या टप्प्यासाठी कामाचे आदेश दिले आहेत. बोपखेल फाटा ते दिघी जकात नाका पुणे आणि पिंपरी-चिंचवडच्या विकास आराखड्यात नसल्यामुळे त्याबाबतची निविदा काढण्यात आली नाही. तरीही बजेटमध्ये पाच कोटी रुपयांची तरतूद केली आहे.

देहू-आळंदी रस्त्यासाठी २१ कोटी २० लाख रुपयांची तरतूद केली आहे. त्यामुळे ही दोन्ही तीर्थक्षेत्रे जोडली जाणार असून, वाहतूक कोंडी कमी होण्यास मदत होणार आहे. या ३० मीटर रस्तारुंदीकरणाचे काम ८० टक्के पूर्ण झाले आहे. ते ऑक्टोबर २०१६ अखेर शंभर टक्के पूर्ण करण्याचे नियोजन आहे. भक्ती-शक्ती चौक ते मुकाई चौक, किवळे रस्त्यासाठी ३८ कोटी रुपयांची तरतूद केली आहे. हे काम येत्या ऑक्टोबरअखेर पूर्ण होणार आहे.

रेल्वेपुलासाठीही तरतूद

रेल्वेवरील पुलासाठी यूटीएफ अंतर्गत १८ कोटी रुपयांची तरतूद केली आहे. ही दोन्ही कामे ऑक्टोबर २०१६ पर्यंत पूर्ण होतील, असे सांगण्यात आले. याशिवाय दापोडी येथील हॅरीस पुलाला समांतर दोन पुलांसाठी पाच कोटी रुपये, नाशिकफाटा येथे फूट ओव्हरब्रीजसाठी पाच कोटी रुपये आणि हिंजवडी आयटी पार्ककडे जाणाऱ्या रस्त्याचे रुंदीकरण आणि मजबुतीकरणासाठी १८ कोटी रुपयांची तरतूद करण्यात आली आहे.

ट्रामचा पर्याय

शहरातील वाहतुकीच्या सक्षमीकरणासाठी बीआरटीएस, मेट्रो या अनुषंगाने कामे चालू आहेत. काही प्रस्तावित आहेत. परंतु, निगडी भक्ती-शक्ती चौक ते रहाटणी कोकणे चौक या भागातील रस्त्यावर एचसीएमटीआर (हाय कॅपसिटी मास ट्रान्झिट रुट) विकसीत करण्यात येणार आहे. त्यावर ट्राम सेवा सुरू करण्याचा विचार आहे. त्यासाठी बजेटमध्ये एक कोटी रुपयांची तरतूद करण्यात आली आहे. बीआरटीएसला मिळणारा प्रतिसाद लक्षात घेता आयटी पार्कमधील लोकांना नाशिकफाटा ते वाकड रस्त्यावरील सार्वजनिक वाहतूक व्यवस्थेकडे आकर्षित करण्यासाठी दहा वातानुकूलित बसेस खरेदीचा मानस आहे. त्यासाठी दहा कोटी रुपयांची तरतूद आहे.

मोबाइल अॅप डाउनलोड करा आणि राहा अपडेट

↧

पाणीपट्टीवाढीचा प्रस्ताव

February 16, 2016, 1:35 pm

≫ Next: पाणीपट्टीवाढ रद्द झाली पाहिजे

≪ Previous: शहरसुधारणेची ‘त्रिसूत्री’

चार हजार कोटींचे बजेट; रखडलेल्या योजनांच्या पूर्णतेवर अधिक भर

म. टा. प्रतिनिधी, पिंपरी

पिंपरी-चिंचवड महापालिकेचे २०१६-१७चे दोन हजार ७०७ कोटी रुपये, केंद्र सरकारच्या योजनांसह तीन हजार ९८२ कोटी रुपये खर्चाचे तसेच, २७७ कोटी रुपये शिलकीचे बजेट आयुक्त राजीव जाधव यांनी स्थायी समितीचे अध्यक्ष अतुल शितोळे यांच्याकडे मंगळवारी (१६ फेब्रुवारी) सादर केले. प्रत्यक्षात बजेटमध्ये कोणतीही करवाढ नसली तरी, मिळकतकर, पाणीपट्टी दरवाढीचा प्रस्ताव प्रशासनाने तयार केला आहे. सर्वसाधारण सभेच्या मंजुरीनंतर त्याची अंमलबजावणी होईल, असेही प्रशासनातर्फे स्पष्ट करण्यात आले आहे.

यंदाच्या बजेटमध्ये नव्या योजनांऐवजी गत वर्षी हाती घेतलेल्या योजनांची कामे पूर्ण करण्यावर भर देण्यात आला आहे. केंद्र सरकारच्या अमृत योजनेंतर्गत ६० टक्के शहरासाठी २४X७ पाणीपुरवठा योजनेसाठी ४० कोटी रुपये, आंद्रा धरणातून शंभर दशलक्ष लिटर पाणी आणणे आणि चिखली येथे त्यासाठी जलशुद्धीकरण प्रकल्प उभारण्यासाठी ३३ कोटी ८५ लाख रुपये, जलनिःस्सारण कामासाठी २९ कोटी रुपये, स्वच्छ भारत योजनेअंतर्गत घनकचरा व्यवस्थापनासाठी १७ कोटी १९ लाख रुपये, महिलांच्या विविध योजनांसाठी ३५ कोटी ७० लाख रुपये, पीएमपीएमएलच्या सहाव्या वेतन आयोगाच्या फरकाची रक्कम, संचलन तूट आणि पाससाठी ११५ कोटी रुपयांसह अमृत योजनेसाठी ४० कोटी रुपयांची भरीव तरतूद करण्यात आली आहे.

बीआरटीसाठी वातानुकूलित दहा बसच्या खरेदीसाठी दहा कोटी रुपये, भक्तीशक्ती चौक ते कोकणे चौक भागात ट्राम सेवेसाठी एक कोटी रुपये, नदीसुधार प्रकल्पासाठी दीड कोटी रुपये, एलईडी दिवे बसविण्यासाठी सात कोटी ३६ लाख रुपये, भोसरी येथे कुस्ती प्रशिक्षण केंद्र उभारण्यासाठी चार कोटी रुपये, बर्ड व्हॅलीतील लेसर-शोसाठी साडेतीन कोटी रुपयांची प्रथमच तरतूद करण्यात आली आहे. कोणतीही करवाढ गृहीत न धरता बजेट तयार करण्यात आले असून, भविष्यात मात्र करवाढीचा पर्याय खुला राहील असे सूतोवाच आयुक्तांनी केले. 'मिळकतकर आणि पाणीपट्टी अपेक्षेनुसार वसूल होत नाही. या दोन्ही विभागात करवाढीचा प्रशासनाचा प्रस्ताव आहे. मात्र, त्याची अंमलबजावणी सर्वसाधारण सभेच्या मंजुरीनंतरच होऊ शकते. ही करवाढ मान्य झाल्यास महापालिकेच्या उत्पन्नात भर पडून त्याचा उपयोग विकासकामांसाठी होऊ शकतो,' असे जाधव यांनी स्पष्ट केले.

.....

२०१६-१०१७ चे बजेट

जमा तपशील रक्कम (कोटी रुपयांत) टक्केवारी

आरंभीची शिल्लक २७७ १०.२५

एलबीटी १,३५० ४९.८७

करसंकलन ४५० १६.६२

गुंतवणूक व्याज, इतर १०० ३.६९

पाणीपट्टी व इतर ६० २.२२

बांधकाम परवानगी ३०० ११.०८

अनुदाने २१ ०.७६

भांडवली जमा १०५ ३.८९

इतर विभाग जमा ४४ १.६२

एकूण जमा २,७०७ कोटी १००

.....

खर्च तपशील रक्कम (कोटी रुपयांत) टक्केवारी

सामान्य प्रशासन ५० १.८४

शहर रचना, नियोजन ३८ १.४१

सार्वजनिक सुरक्षा, स्थापत्य १७२ ६.३५

वैद्यकीय १६० ५.९५

आरोग्य १८८ ६.९६

प्राथमिक, इतर शिक्षण ११५ ४.२७

उद्यान, पर्यावरण ४२ १.५४

इतर विभाग सेवा २८९ १०.७१

महसुली १९७ ७.३०

एलबीटी, करसंकलन ४८ १.७६

भांडवली १,२३२ ४५.४७

कर्ज निवारण, इतर निधी १७१ ६.३५

एकूण खर्च २,७०२ १००

.....

केंद्र सरकारकडील योजनेसह एकत्रित गोषवारा

जमा तपशील रक्कम (कोटी रुपयांत)

पीसीएमसी बजेट २७७.३७

जेएनएनयूआरएम बजेट ८१५.८८

महसुली जमा २,३२४.४७

भांडवली जमा १०५.२०

केंद्र सरकार अनुदान ९३.४२

राज्य सरकार अनुदान ४१.१९

विविध योजना मनपा हिस्सा ४८.५०

जागतिक बँक कर्ज १५.२६

यूटीएफ फंड ८९

जीईएफ अनुदान ८

लाभार्थी हिस्सा ७०

इतर जमा ९४.२३

एकूण जमा ३,९८२.५२

.....

खर्च तपशील रक्कम (कोटी रुपयांत)

महसुली खर्च १,३०३.६९

भांडवली खर्च २,१२४.२३

कर्ज निवारण निधी ५

विकास निधी ४२

वाहन घसारा निधी १

जेएनएनयूआरएम मनपा हिस्सा ४८.५०

अपंग कल्याणकारी योजना २

पीएमपीएमएल राखीव निधी ११५

इतर खर्च अनामत परताव्यासह २४२.११

अखेरची शिल्लक ४.८७

जेएनएनयूआरएम बजेट ९४.१२

एकूण खर्च ३,९८२.५२
....

स्थापत्यविषयक विशेष योजना (तरतूद कोटी रुपयांत)

योजना तरतूद

चिखली संतपीठ १.३

संभाजीनगर बस टर्मिनस ६

भीमसृष्टी उभारणे २.७०

चिखली हॉस्पिटल १.५

नवीन शाळा इमारती ४.२५

उद्याने विकसन ८.६०

बहुमजली वाहनतळ १.७५

डीअर पार्क १

आकुर्डी पालखी मार्ग ३.५

प्रा. मोरे प्रेक्षागृह १.५

बर्ड व्हॅली लेसर-शो ३.५

आकुर्डी रेल्वे सुशोभिकरण २

थेरगाव करसंकलन कार्यालय १

डांगे चौक शिवसृष्टी ०.९३

.....

बीआरटी

योजना तरतूद

हिंजवडी बस टर्मिनल १

दिघी-बोपखेल रस्ता ५

बोपखेल मुळा नदीपूल १

वातानुकूलीत बस १०

सार्वजनिक मुताऱ्या ०.५०

एचसीएमटीआर विकास ३

ट्राम सेवा सुरू करणे १

.....

पाणीपुरवठा

योजना तरतूद

२४X७ पाणीपुरवठा ४०

आंद्रा धरणातून पाणी आणणे ३३.८५

बास्केट ब्रीज नवीन बंधारा ५

उंच टाक्या बांधणे २.५६

.....

पर्यावरण

योजना तरतूद

स्मशानभूमीमध्ये गॅस दाहिनी ५

नदी सुधार प्रकल्प १.५

.....

घनकचरा व्यवस्थापन

योजना तरतूद

वॉर्डस्तरावर खतनिर्मिती २.५

बफर झोन तयार करणे १.५

लिचेट ट्रिटमेंट प्रकल्प २.५

शास्त्रीय पद्धतीने कॅपिंग २

स्वच्छ भारत योजना १७.८९

....

विद्युत विभाग

योजना तरतूद

नवीन एलईडी लाइट ७.३६

सीसीटीव्ही कॅमेरे ५.४१

....

क्रीडा विभाग

योजना तरतूद

भोसरी कुस्ती प्रशिक्षण केंद्र ४

मगर स्टेडियम विकसन १

....

इतर महत्त्वाच्या बाबी

योजना तरतूद

महिलांसाठी योजना ३५.७०

मागासवर्गीय योजना ८

अपंग योजना १२.९६

महापौर विकास निधी २

भूसंपादन १००

पीएमपीएमएल ११५

अतिक्रमण निर्मूलन ३

धन्वंतरी योजना ६

....

केंद्र सरकारच्या योजना

Latest Images