गुन्हे शाखेच्या प्रॉपर्टी सेलने घरफोड्या करणाऱ्या दोघा गुन्हेगारांना अटक केली आहे. त्यांनी दहा गुन्हे केल्याचे उघडकीस आले आहे. या आरोपींकडून घरफोडीत चोरलेले २५ तोळे सोन्याचे दागिने जप्त करण्यात आले आहेत. आंट्या उर्फ अतुल चंद्रकात आमले (वय २०, रा. गोसावीवस्ती, मावळे आळी, कर्वेनगर, पुणे), बबल्या उर्फ विश्वनाथ गुरूनाथ मोरे (वय १९, रा. हॅपी कॉलनी, कर्वेनगर) अशी अटक करण्यात आलेल्या गुन्हेगारांची नावे आहेत, अशी माहिती प्रॉपर्टी सेलच्या वरिष्ठ पोलिस निरीक्षक सुषमा चव्हाण यांनी दिली.
या आरोपींनी वारजे माळवाडी, कोथरूड, नांदेड फाटा, सिंहगड रोड परिसरात घरफोड्या केल्या आहेत. कुलूपबंद असलेले फ्लॅट, बंगले फोडून ऐवज चोरण्यात आला आहे. विशेषतः दिवसा घरफोडी करण्याचे प्रमाण वाढले आहे.या आरोपींनी स्वत:च्या चैनीसाठी तसेच मौजमजेसाठी घरफोड्या केल्याचे तपासात निष्पन्न झाले आहे. वारजे माळवाडी, कोथरूड व हवेली पोलिस ठाण्याच्या हद्दीतील १० घरफोड्यांचे गुन्हे उघडकीस आले आहे. या आरोपींकडून ६,२५,००० रुपये किंमतीचे २५ तोळे सोने जप्त करण्यात आले आहे. सहायक पोलिस निरीक्षक सुनील गवळी, सहायक फौजदार आजीनाथ वाकसे, भालचंद्र बोरकर, सिध्दराम कोळी, संतोष मोहिते, यशवंत खंदारे यांच्या पथकाने ही कारवाई केली.
मोबाइल अॅप डाउनलोड करा आणि राहा अपडेट