पुणे, पिंपरी चिंचवडमधील मृतांची संख्या ७३
म. टा. प्रतिनिधी, पुणे
स्वाइन फ्लूने शहरात शुक्रवारी दोन पेशंटचा मृत्यू झाला असून, एक जानेवारीपासून पुणे आणि पिंपरी चिंचवड शहरातील मृतांची संख्या ७३ वर गेली आहे. दरम्यान, आतापर्यंत स्वाइन फ्लूचे ४८७ पेशंट बरे झाले असून, अद्याप ८२ पेशंट विविध हॉस्पिटलमध्ये अॅडमिट, तर २१ जण व्हेंटिलेटरवर आहेत.
शहरात शुक्रवारी तीन हजार १४५ जणांची तपासणी करण्यात आली. त्यापैकी २१ जण पॉझिटिव्ह निघाले, तर २८८ जणांना टॅमी फ्लूच्या गोळ्या देण्यात आल्या; तसेच १३ रुग्ण बरे झाल्याने त्यांना डिस्चार्ज करण्यात आले. पुण्यात एक जानेवारीपासून ८० हजार ४५८ जणांची तपासणी करण्यात आली. त्यापैकी १२ हजार ४४७ जणांना टॅमी फ्लूचा डोस देण्यात आला. त्यापैकी ६४३ जण पॉझिटिव्ह आढळले आहेत. पिंपरी चिंचवडमध्ये दोन लाख ५१ हजार १६९ पेशंटची तपासणी करण्यात आली. त्यापैकी २४३ पेशंट पॉझिटिव्ह आढळले आणि आठ हजार १४७ जणांना टॅमी फ्लूच्या गोळ्या देण्यात आल्या. अद्याप २३ पेशंट अॅडमिट आहेत, अशी माहिती पुणे महापालिकेकडून प्राप्त झाली आहे.
श्यामराव तुकाराम लालगे (वय ५३) आणि सुलूबाई दादाराम भुजबळ (वय ५४) यांचा शुक्रवारी मृत्यू झाला. दोघेही मूळचे नगरचे रहिवासी होते. त्यांच्यावर अनुक्रमे नोबेल हॉस्पिटल आणि इनलॅक्स हॉस्पिटलमध्ये उपचार सुरू होते.
राज्यात आतापर्यंत तीन हजार रुग्ण
संपूर्ण राज्यात एक जानेवारी २०१५ पासून आतापर्यंत तीन हजार १३५ पेशंट आढळले आहेत. त्यापैकी दोन हजार ४१९ पेशंटवर यशस्वी उपचार करण्यात येऊन ते घरी गेले आहेत. मात्र, २६४ जणांचा स्वाइन फ्लूने मृत्यू झाला आहे. शुक्रवारी राज्यात १३१ नवीन पेशंट सापडले आहेत. राज्यात सध्या ४१० पेशंट उपचार घेत असून ३६ पेशंट व्हेंटिलिटरवर आहेत.
मोबाइल अॅप डाउनलोड करा आणि राहा अपडेट